 |
| الشاعر سامح شريف |
احلام بتخلص اوهام بتبدا .
. انسان في شبر مية يغرق و طريق في اخر منتها
ه
حبت وجع و جراح و اه ..
ولا يوم داقت عنينا نوم
.. و الفرح ليه جوانا تاه
الحزن كان مالي المكان .
. ونسينا احساس الامان و ضيعناه
وقت كتير هدر وياريته اللي جري ماكان
اهلاوى مات اهلاوى مات
اخر خبر
فى الراديوهات
و فى الكنايس و الجوامع.
و الحوارى و الشوارع, و علي القهاوى
و علي البارات
اهلاوى مات و اتمد حبل الدردشة
و التعليقات مات المناضل المثال
يا ميت خسارة علي الرجال
مات الجدع موته شهيد فى مدرجات
جسد نضاله بمصرعة فى الإستادات
ولا جيش و شرطه هينفعوه دول انتيكات
عينى عليه ساعة القضى من غير ما امه تودعة
يطلع انينه فى الفضا يزعق ولا حد بيسمعه
يمكن صرخ من الالم لكن فى مضمر الحشا اكيد فرح
او ابتسم او ارتعش او انتشى يمكن لفظ
اخر نفس كلمة وداع
ثورة جياع سابها وصية للى بايعين القضية
و فى الضياع واللى حصل شى من خيال
فى الف مليون احتمال
لكن اكيد ولا جدال
اهلاوى مات موتة رجال
قلبك مطاوعك والنبى
ازاى قدر يقتل صبى
و فى شرع مين قتل النفوس
اما صحيح واحد غبى
قلبى بيقولى انا مش سعيد
اصحابى ماتوا فى بورسعيد
صلوا عليهم ركعتين
و الفاتحة على روح الشهيد
واقف شايفه بيضربة
طب كنت سيبهم يهربوا
لية بتقفلوا فى البوابات
والله
انتوا بتلعبو
دمع الفزع فاض من عنيه
شاف بورسعيدي داخل علية
و ادالة ضربة تموته
بعصاية ماسكها فى ادية الخوف
معشش فى الضلوع
ومفيش طريقة للطلوع
معقوله على اخر الزمن
الدم يبقى مكان دموع دا مش جمهور دا
اكيد كمين
الشرطة كانوا قريبين
يتفرجوا و يصوروا
دولا ناس اكيد مالهمش دين
واقف و شايفة بيضربة
طب كنت سيبهم يهربوا
لية بتقفلوا فى البوابات
واللة انتوا بتلعبوا
دمع الفزع فاض من عنية
شاف بورسعيدي داخل علية
واداله ضربه تموته
... بعصاية ماسكها فى ادية
