تصوير :مدحت عبدالرازق
هنا غرق الأمير أحمد رفعت بن إبراهيم باشا ... أخو الخديو إسماعيل
المكان دة يعتبر من الأماكن اللى غيرت وجه التاريخ المصرى , ودار حوله الكثير من اللغط .. هنا بالظبط غرق الأمير أحمد رفعت ابن إبراهيم باشا , وهو الأخ الأكبر للخديو إسماعيل وولى عهد عمه سعيد باشا .. كان الأمير راجع من إسكندرية بعد حضور حفلة مع الوالى سعيد فى قصر رأس التين .. وكانت فى الوقت دة عربات السكة الحديد بتتشال على طوافات أو عبارات مائية عشان تعبر فرع رشيد ( المتصور فى الفيديو )... لكن اللى حصل ان العبارة غرقت وعليها عربة القطار المقلة للأمير أحمد رفعت سنة 1858 .... وهنا أصبح الأمير إسماعيل – أخوه الأصغر – هو ولى عهد الأيالة المصرية ... وشاعت اشاعة أن غرق العبارة كان بتدبير من الأمير إسماعيل عشان تتنقل إليه ولاية العهد , لكنها اشاعة لم تجد لها أى سند من الحقيقة .
ولما تولى الأمير إسماعيل – الخديو – أصدر أوامره بإنشاء كوبرى كفر الزيات فى نفس المنطقة اللى غرق فيها أخوه , عشان يتلافى عملية تعويم عربات السكة الحديد فوق عبارات لعبور فرع رشيد .. ومن وقتها بقت فكرة الكوبرى لا مندوحة عنها سواء كوبرى كفر الزيات القديم أو الجديد , و بقى القطار بينطلق فوق الكوبرى ذهابا وايابا بدون مشاكل وبتوفير كبير فى الوقت والجهد مع الحفظا على سلامة الركاب .
ليست هناك تعليقات:
إرسال تعليق